"Манчестер Юнайтед" ва Англия терма жамоаси собиқ ҳужумчиси Уэйн Руни кимни ҳозирда энг яхши англиялик футболчи деб билишини айтди.
"Фил Фоден мен учун энг яхшиси. У бу мавсумда ҳали ўзини яхши кўрсата олгани йўқ, лекин энг яхши ҳолатда Фил Англияда энг яхшиси. Беллингем ва Палмерни ҳам эслатиб ўтишингиз мумкин, аммо менинг танловим Фоден фойдасига", — деди Руни Talksport билан суҳбатда.
Эслатиб ўтамиз, Фил Англия чемпионатининг сўнгги мавсумининг энг яхши футболчиси сифатида эътироф этилганди. Премьер-лиганинг жорий мавсумида 24 ёшли ярим ҳимоячи тўртта учрашувда гол ура олмади. "Манчестер Сити" АПЛ турнир жадвалида учинчи ўринда бормоқда.
