"Рома" ҳужумчиси Стефан Эль-Шаарави "Монца"га (1:1) қарши ўйиннинг биринчи бўлимида алмаштирилганидан кейин текширувдан ўтди. Натижалар шуни кўрсатдики, унда чап оёқ мушаклари шикастланмаган, фақат енгил зўриқиш аниқланган, дея хабар беради Sky Sport Italia.
Унинг 20 октябрь куни бўлиб ўтадиган "Интер"га қарши ўйинда иштирок этиши сўроқ остида қолаётган бўлса-да, клуб шифокорлари ФИФА кунлари вақтида Эль-Шааравини тиклашга умид қилишмоқда. 32 ёшли ҳужумчи жорий мавсумда "Рома" сафида 6 та ўйинда майдонга тушиб, битта голли узатмани амалга оширди ва унинг қайтиши жамоа учун А Серияда юқори ўринлар учун курашда муҳим аҳамиятга эга бўлади.
