"Transfermarkt" портали саҳифаларида Германия чемпионатида тўп тепаётган айрим футболчиларнинг нархлари янгиланди. Энг қиммат футболчилар рўйхатига эътибор қаратадиган бўлсак, кучли 4 таликда ҳеч қандай ўзгариш кузатилмаган.
Биринчи ўринни ҳамон Жамол Мусиала ва Флориан Вирц 130 миллион евролик нарх билан бўлишмоқда. Кучли учликни 100 миллион еврога баҳоланган Харри Кейн якунлаб турибди. Хави Симонс 80 миллион евро билан тўртинчи ўринни эгаллаб турибди. Ушбу тўрт нафар футболчининг нархи ўзгармаган.
Эътибор беринг, Майкл Олисе Бундеслиганинг энг қиммат 5 нафар футболчиси қаторига кирди - «Бавария» футболчиси нархи 10 миллионга қимматлашди ва ҳозирда 65 миллион еврога баҳоланмоқда.
