"Бавария" футболчилари ва раҳбарияти Венсан Компанини қўллаб-қувватлайди.
"Bayern & Germany" Kicker журналисти Франк Линкесга таяниб хабар беришича, "Бавария"нинг барча футболчилари 3 ўйиндан бери ғалаба қозона олмаганига қарамай, бош мураббийни тўлиқ қўллаб-қувватламоқда. Мюнхендаги кийиниш хонасида катта обрўга эга бўлган Томас Мюллер кўпроқ ўйин вақтини олишни исташига қарамай, Компанининг ўйин услубини омма олдида мақтади.
"Бавария"нинг фахрий президенти Ули Хёнесс ҳам Компани жамоадаги вазиятни яхшилай олишига ишонч билдирмоқда. Қайд этилишича, кўплаб рад этишлар билан бирга бош мураббий излаш чоғида "Бавария" раҳбарияти Пеп Гвардиоладан Компани ҳақида батафсил маълумот сўраган – испаниялик шахсий суҳбатда Венсанга "жуда ижобий" тавсиф берган.
