Англия терма жамоаси бош мураббийи вазифасини бажарувчи Ли Карсли Харри Кейннинг аҳволи ҳақида маълумот берди.
Мураббийнинг сўзларига кўра, "Бавария" форварди яқинда мюнхенликлар билан ўйинда олган жароҳатидан ҳали тузалмаган.
"Харри ҳамон жароҳат олган, унинг жароҳати бор. Биз ҳеч қандай таваккал қилмаймиз. Эртанги ўйинда [Грецияга қарши] майдонга тушишини истисно қилмайман, лекин у аниқ асосий таркибда бўлмайди. Умид қиламанки, у якшанба кунги [Финляндияга қарши] ўйинга тайёр бўлади, буни вақт кўрсатади. Биз шошмаслигимиз керак", - деди Карсли.
