"Монца" ярим ҳимоячиси Даниэль Мальдинига А Сериянинг яна бир топ-клуби қизиқиш билдирмоқда.
Яқинда хабар қилинганидек, "Интер" 22 ёшли футболчининг ўйинларини кузатиб бормоқда. Журналист Фабиана делла Валленинг ёзишича, ҳужумкор ярим ҳимоячига "Ювентус" ҳам қизиқиш билдирмоқда. Турин клуби афсонавий Паоло Мальдинининг ўғлининг истиқболларини юқори баҳолайди ва "Монца" билан яхши муносабатлар "кекса сеньора"га рақобатчиларга қарши курашда ёрдам бериши мумкин.
Даниэль Мальдини яқинда биринчи марта Италия терма жамоасига чақирилди. "Россонерилар" тарбияланувчиси "адзурра" сафида бугун Бельгияга қарши Миллатлар лигаси ўйинида дебют қилиши мумкин.
