Мадриднинг “Реал” клуби ярим ҳимоячиси Арда Гюлер яқин келажакда жамоасини тарк этиш ниятида эмас. Diario AS хабарига кўра, 19 ёшли турк футболчиси на ижарага, на бошқа клубга тўлиқ ўтишни кўриб чиқмаяпти.
Аввалроқ Гюлернинг “Реал”ни тарк этиши мумкинлиги ҳақида хабарлар тарқалган эди. Туркиянинг “Фенербахче” клуби футболчини қайтаришдан манфаатдор эди, бироқ ярим ҳимоячи бор эътиборини “Реал”да ўйнашга қаратган ва у кетиш ниятида эмас.
Гюлер бу мавсум “Реал” сафида барча мусобақаларда 10 та ўйинда майдонга тушди, бироқ битта ҳам гол ура олмади.
