Англия терма жамоаси бош мураббийи Ли Карсли "Манчестер Юнайтед" футболчиларининг терма жамоада йўқлиги ҳақида фикр билдирди.
Бир пайтлар "Манчестер Юнайтед" Англиянинг таянч клубларидан бири бўлган, аммо ҳозир Карсли қўл остида "қизил иблислар"дан битта ҳам вакил йўқ.
Гап шундаки, Гарри Магуайр ва Маркус Рэшфорд терма жамоага таклиф этилмаган, Кобби Майну эса жароҳати сабаб чақирувга жавоб бера олмади, бироқ Карсли футболчиларнинг формасига қараб қарор қабул қилишига ишонтирмоқда.
"Сиз энг яхши ўйинчиларни танламоқчисиз. Менинг ишимнинг кўп қисми ўйинчиларни кўриб чиқиш ва уларнинг формасини билишдир. Мен клублардан кўра кўпроқ футболчиларга қарайман.
Бизда "Манчестер Юнайтед"нинг кўплаб ажойиб футболчилари борлигидан омад кулиб боқди, аммо жамоа ҳозирда лига ва хориж клублари бўйлаб кўпроқ тарқалган. Бу бир мунча вақтдан бери давом этмоқда", - деди Карсли Sky Sports билан суҳбатда.
