ФИФА ташкилоти футзал терма жамоаларининг янгиланган рейтингини эълон қилди.
Унга кўра Тошкентда ўтказилган Жаҳон чемпионати ғолиблигини қўлга киритган Бразилия термаси пешқадамликни сақлаб турибди. Португалия термаси иккинчи ўринда қайд этилган бўлса, кучли учликни финалда мағлуб бўлган Аргентина термаси эгаллаб турибди.
Қўшни Қозоғистон термаси 3 поғона юқорилаб жаҳон рейтингида 5-ўринда қайд этилди.
Ўзбекистон миллий жамоаси Жаҳон чемпионатида муваффақиятсиз қатнашиб, гуруҳдан чиқа олмади. Бу эса мезбонларнинг рейтингда 10 поғона пастлашига сабаб бўлди. Жамоа ҳозирда жаҳонда 21-ўринда, Осиёда эса 4-ўринда қайд этилди.
Терма жамоадан 100 коэффициент очколар олиб ташланган.
