Рональд Араухо жароҳатидан тикланиш жараёни қандай кетаётгани ҳақида гапирди.
"Барселона” ҳимоячиси Уругвай терма жамоаси таркибида Бразилияга қарши Америка кубоги чорак финал учрашувида ўнг сонидан жароҳат олган эди.
"Қайта тикланиш жараёни жуда яхши кетмоқда ва бу мени хурсанд қилади. Бу сафар осон бўлмади, лекин мен ҳам жисмоний, ҳам руҳий жиҳатдан кўп нарсаларни ўргандим.
"Барселона"да беш ажойиб йил ўтказдим ва мен жуда хурсандман, чунки улар тажриба ва сабоқларга бой эди.
Жамоамиздан мамнунман. Айниқса, Ла Лигада яхши старт олиш муҳим эди, чунки бу узоқ пойга. Ҳали узоқ йўл бор, лекин ҳозирча ҳаммаси яхши кўринади. Мақсад - бу мавсумда чемпионликни қўлга киритиш", - деди “Барселона” ҳимоячиси.
