Стефано Пиолининг агенти мураббий қандай қилиб "Ан-Наср"ни қабул қилишга рози бўлганини тушунтириб берди.
Италиялик мутахассис сентябрь ойида Саудия клуби бош мураббийлигини эгаллаб, 2027 йилгача шартнома имзолаганди.
"Ан-Наср" билан илк алоқалар сентябрь ойи бошида, биз таътилда бўлганимизда ўрнатилди. Тўғриси, бу Саудиянинг Стефанога қизиқиш билдираётган биринчи клуби эмас.
Пиоли Йерро ("Ан-Наср" спорт директори) билан тезда умумий тил топди. Улар бир-бирларини техник ва спорт нуқтаи назаридан жуда яхши тушунишди, чунки улар ҳамфикр одамлар бўлиб чиқди. Музокаралар жуда осон ва тез ўтди – иккала томон ҳам тўғри танловга шубҳа қилмади", — деди агент Валерио Жуффрида TMW нашрига берган интервьюсида.
