"Ливерпуль"нинг ўнг қанот ҳимоячиси Трент Александр-Арнольд жорий мавсум давомида жамоани тарк этмайди.
26 ёшли футболчининг шартномаси келаси йилнинг июнь ойи охирида якунига етади. "Реал Мадрид" инглиз футболчисини ўз сафига жалб қилмоқчи, агар сўнгги миш-мишларга ишонадиган бўлсак, январь ойидаёқ шартномани якунлашга ҳаракат қилиши мумкин.
"Трентнинг январь ойида ҳеч қаерга кетишига мутлақо имконият йўқ. "Реал Мадрид" қишда унга таклиф билан чиқиши ҳақида қандайдир бемаъни гапларни кўрдим. Мен бунга ишонмайман", - дейди журналист Жеймс Пирс.
