Германия терма жамоаси бош мураббийи Юлиан Нагельсманн Миллатлар лигасидан ўрин олган Босния ва Герцеговинага (2:1) қарши ўйин натижаларини сарҳисоб қилди.
"Биз ўйинни унчалик яхши бошламадик - тўпни бир томонда жуда узоқ ушлаб турдик. Буни тўғирлаб, анча яхши ўйнадик ва устунлик қила бошладик. Устунлик даражасини ҳисобга олсак, кўпроқ гол уриш мумкин эди. Ўтказиб юборилган голга келсак, Жеко ўзини жарима майдончамизда бу қадар эркин ҳис этмаслиги керак эди. Шундан сўнг биз назоратни сақлаб қолишга муваффақ бўлдик", деди Нагельсманн RTL телеканалига берган интервьюсида.
