Нидерландия терма жамоаси бош мураббийи Рональд Куман Миллатлар лигаси доирасида Венгрияга қарши ўйинда (1:1) қизил карточка олган Виржил ван Дейкни танқид қилди.
«Апельсинлар» сардори венгерларга қарши ўйинда 79-дақиқада жамоасини озчиликда қолдирди. «Ливерпуль»нинг марказий ҳимоячиси бор-йўғи икки дақиқа ичида иккита сариқ карточка олди.
«Ван Дейкнинг бу қоидабузарликни амалга ошириши унчалик ақлли қарор эмас эди, айниқса у ҳозиргина олган сариқ карточкадан кейин. Виржил буни биларди», деди Куман ўйиндан кейин ОАВ билан суҳбатда.
