"Манчестер Юнайтед" ҳужумчиси Уэйн Руни фаолиятини Мюнҳеннинг "Бавария" клубида давом эттиришни режалаштирмоқда, дея хабар беради Англия матбуоти.
Манбанинг ёзишича, бу ҳақда Рунинг ўзи жамоадошларига айтган. Шунингдек, бу амалга ошса Рунининг "Бавария"га ўтиши немис клуби учун 35 млн еврога тушиши мумкинлиги айтилмоқда.
Эслатиб ўтамиз, аввалроқ немис ОАВда "Бавария" клуби Дортмунд "Боруссия"сининг ҳужумчиси Роберт Левандовскига қизиқаётганлиги ҳақидаги хабарлар тарқалган эди. Польша термасининг ҳужумчисига Мадиднинг "Реал" клуби ҳам харидор бўлмоқда.