ФИФА президенти Жанни Инфантино Ўзбекистонда ўтказилган ФИФА Футзал Жаҳон чемпионатини юқори даражада ўтгани муносабати билан Ўзбекистон футбол ассоциацияси президенти Абдусалом Азизовга миннатдорчилик хати йўллади.
"Ўзбекистондаги дўстона муносабат, ажойиб меҳмондўстлик ва айниқса Бразилия - Аргентина учрашувидаги ўзига ҳос муҳитдан жуда таъсирланган ҳолда ёзмоқдаман.
Аввало, Ўзбекистон Республикаси Президенти Шавкат Мирзиёевга миннатдорчилик билдирмоқчиман. Шунингдек Бош вазир Абдулла Арипов, Спорт вазири Адҳам Икрамов ва Сизнинг бошчилигингиздаги футбол ассоциацияси, биринчи вице-президент Равшан Ирматов ҳамда Тошкент, Андижон, Бухоро шаҳарларида меҳнат қилган барчага раҳмат айтамиз.
Сизларнинг улкан меҳнат ва жонкуярлигингиз сабабли ушбу чемпионат чин маънода ажойиб, эсда қоларли ўтди. Бу турнир ФИФА Футзал Жаҳон чемпионатлари орасида энг яхшиси ва муваффиқиятлиси сифатида тарихда қолди.
Мана шу вақт мобайнида Сиз билан футбол борасидаги фикр ва ғоялар алмашиш имкониятига эга бўлганимиздан хурсандман. ФИФА мамлакатингиз футболи ривожига қаратилган ташаббусларни қўллашга доим тайёр.
Сиз билан тез фурсатда яна учрашиш умидидаман ва энг яхши тилакларни йўллаб қоламан", дейилган расмий мактубда.
