«Манчестер Сити» ярим ҳимоячиси Илкай Гюндоган Германия терма жамоасини тарк этиш сабабларини айтди.

«Терма жамоа сафида 82 та ўйин ўтказдим ва бу натижа билан фахрланишим мумкин. Энг ёқимли лаҳза эса, Европа чемпионати арафасида мени терма жамоа сардори этиб тайинлаб, менга мураббий ва мухлисларнинг кўрсатган ишончи бўлди. Аммо танам ва миям дам олишга муҳтож, ўтган мавсумда мен деярли 60 та ўйинда майдонга тушдим, бундан ҳам кўпроқ бўлиши мумкин», — дея Гюндоганнинг сўзларини келтиради "Bild".

Гюндоган миллий терма жамоа сафида 82 та ўйин ўтказиб, ўн тўққизта гол урган.