Микель Мерино Испания терма жамоасининг Миллатлар лигасида Дания устидан қозонилган ғалабасига (1:0) баҳо берди.
"Нима учун Дания гуруҳда пешқадам эканлигини кўрдингиз. Бугун биз учун жуда оғир ўйин бўлди, биз уч очко олганимиз билан хурсанд бўлишимиз мумкин. Ҳимояда беш нафар ўйинчи бўлган ихчам жамоаларга қарши ўйнаш ҳар доим қийин.
Биз бир-иккита қулай вазиятлар яратдик. Мен хотиржам бўлишим ва темпни йўқотмаслигим керак эди. Биз комбинацияларни яратиш ва эркин зоналарни қидиришни давом эттирдик. Қолаверса, уларнинг қарши ҳужумларига эътибор қаратишимиз керак эди", - деди испаниялик ярим ҳимоячи.
