Mikel Merino Ispaniya terma jamoasining Millatlar ligasida Daniya ustidan qozonilgan g‘alabasiga (1:0) baho berdi.
"Nima uchun Daniya guruhda peshqadam ekanligini ko‘rdingiz. Bugun biz uchun juda og‘ir o‘yin bo‘ldi, biz uch ochko olganimiz bilan xursand bo‘lishimiz mumkin. Himoyada besh nafar o‘yinchi bo‘lgan ixcham jamoalarga qarshi o‘ynash har doim qiyin.
Biz bir-ikkita qulay vaziyatlar yaratdik. Men xotirjam bo‘lishim va tempni yo‘qotmasligim kerak edi. Biz kombinasiyalarni yaratish va erkin zonalarni qidirishni davom ettirdik. Qolaversa, ularning qarshi hujumlariga e’tibor qaratishimiz kerak edi", - dedi ispaniyalik yarim himoyachi.
