Ли Карсли Англия терма жамоасида доимий равишда қолиш ниятида эмас.

50 ёшли мутахассис "Уч шерлар" бош мураббийи вазифасини бажарувчи лавозимида ишламоқда. Унинг қўл остида жамоа Миллатлар лигасида 3 та ўйин ўтказди - Ирландия (2:0), Финляндия (2:0) ва Греция (1:2) билан.

The Telegraph хабарига кўра, Карсли доимий бош мураббий лавозимига ўтишни истамайди. Бу Грецияга қарши мағлубият билан боғлиқ эмас - у ушбу ўйиндан олдин ҳам шундай позицияга эга эди.

Англия футбол ассоциацияси (FA) мураббий жамоада қолишни истамагани ҳақида уларга хабар берганми ёки йўқлигини айтмади.

Англия терма жамоаси бош мураббийи лавозимига асосий номзодлар Пеп Гвардиола, Томас Тухель, Грэм Поттер ва Эдди Хау ҳисобланади.