"Манчестер Сити" ҳужумчиси Эрлинг Холанд фаолиятидаги навбатдаги қадамни ташлашга ва 2025 йилнинг ёзида инглиз клубини тарк этишга тайёр эканлигига қарор қилди. Бу ҳақда El Nacional.com хабар бермоқда.
Манбага кўра, норвегиялик футболчига "ПСЖ" фаол қизиқиш билдирмоқда. Бироқ, француз клуби таклиф эта оладиган кучли молиявий шароитга қарамай, Холанднинг устуворлиги "Барселона" ёки "Реал Мадрид"га ўтишдир.
Такидланишича, “блауграна” ва “қаймоқранглилар" ҳам Холанд билан таркибни кучайтиришни исташмоқда.
24 ёшли ҳужумчи "Манчестер Сити"да 2022 йилнинг ёзидан буён тўп тепади. Жорий мавсумда у барча турнирларда 10 та учрашувда қатнашиб, 11 та гол урди.
