Эртага Лондонда шахмат бўйича «WR Chess Masters» мусобақасига старт берилади. Унда икки ҳамюртимиз — Нодирбек Абдусатторов ва Жавоҳир Синдаров иштирок этади.
16 нафар спортчи иштирок этадиган турнир нокаут тизимида ўтказилади. Яъни шахматчилар ўзаро икки марта тўқнаш келишади ва ғолиб спортчи кейинги босқичга чиқади.
Турнир формати: Биринчи 30 та юриш учун 60 дақиқа, кейинги 20 та юришга 30 дақиқа ва ўйин охиригача яна 30 дақиқа. Шахматчилар рақиблари билан ҳам оқлардан, ҳам қоралардан 1 тадан партия ўйнашади, мағлуб бўлган иштирокчи турнирни тарк этади.
Мукофот жамғармаси - 58 000 евро
Турнир таркиби:
Нодирбек Абдусатторов (2783)
Жавоҳир Синдаров (2688)
Аржун Эригаиси (2797)
Вишванатан Ананд (2751)
Алиреза Фиружа (2767)
Вайшали Рамешбабу (2487)
Бодана Сиванандан (2088)
Веселин Топалов (2727)
Максим Ваше-Лаграв (2735)
Рамешбабу Прагнанандҳаа (2746)
Раунак Садвани (2659)
Виктор Бологан (2608)
Шреяш Рояль (2519)
Парҳам Мақсудлу (2719)
Видит Гужратҳи (2726)
Александра Костенюк (2480).
Абдусатторов илк босқичда Александра Костенюк билан, Жавоҳир Синдаров эса Максим Ваше-Лаграв билан ўзаро тўқнаш келади. Ғолиб чиққан шахматчилар ўзаро чорак финалда рўбарў келишади.
