Ertaga Londonda shaxmat bo‘yicha «WR Chess Masters» musobaqasiga start beriladi. Unda ikki hamyurtimiz — Nodirbek Abdusattorov va Javohir Sindarov ishtirok etadi.
16 nafar sportchi ishtirok etadigan turnir nokaut tizimida o‘tkaziladi. Ya’ni shaxmatchilar o‘zaro ikki marta to‘qnash kelishadi va g‘olib sportchi keyingi bosqichga chiqadi.
Turnir formati: Birinchi 30 ta yurish uchun 60 daqiqa, keyingi 20 ta yurishga 30 daqiqa va o‘yin oxirigacha yana 30 daqiqa. Shaxmatchilar raqiblari bilan ham oqlardan, ham qoralardan 1 tadan partiya o‘ynashadi, mag‘lub bo‘lgan ishtirokchi turnirni tark etadi.
Mukofot jamg‘armasi - 58 000 yevro
Turnir tarkibi:
Nodirbek Abdusattorov (2783)
Javohir Sindarov (2688)
Arjun Erigaisi (2797)
Vishvanatan Anand (2751)
Alireza Firuja (2767)
Vayshali Rameshbabu (2487)
Bodana Sivanandan (2088)
Veselin Topalov (2727)
Maksim Vashe-Lagrav (2735)
Rameshbabu Pragnanandhaa (2746)
Raunak Sadvani (2659)
Viktor Bologan (2608)
Shreyash Royal (2519)
Parham Maqsudlu (2719)
Vidit Gujrathi (2726)
Aleksandra Kostenyuk (2480).
Abdusattorov ilk bosqichda Aleksandra Kostenyuk bilan, Javohir Sindarov esa Maksim Vashe-Lagrav bilan o‘zaro to‘qnash keladi. G‘olib chiqqan shaxmatchilar o‘zaro chorak finalda ro‘baro‘ kelishadi.
