“Барселона” марказий ҳимоячиси Андреас Кристенсен ҳали майдонга қайтишга тайёр эмас. Даниялик футболчи жорий мавсумда атиги битта ўйинда майдонга тушди, шундан сўнг жароҳати сабаб мусобақани тарк этди.
Diario Sport хабарига кўра, дастлаб Кристенсен терма жамоадаги танаффусдан сўнг тузалиб кетиши режалаштирилган эди, бироқ вазият янада мураккаблашди. 28 ёшли футболчи ҳалигача жароҳатини даволагани йўқ, унинг сафга қайтиш санаси номаълумлигича қолмоқда.
20 октябрь куни "Барселона" Ла Лиганинг ўнинчи тури доирасида "Севилья"ни қабул қилади. Ҳозирда Ханс-Дитер Флик жамоаси Испания чемпионати турнир жадвалида 24 очко билан пешқадамлик қилмоқда.
