“Barselona” markaziy himoyachisi Andreas Kristensen hali maydonga qaytishga tayyor emas. Daniyalik futbolchi joriy mavsumda atigi bitta o‘yinda maydonga tushdi, shundan so‘ng jarohati sabab musobaqani tark etdi.

Diario Sport xabariga ko‘ra, dastlab Kristensen terma jamoadagi tanaffusdan so‘ng tuzalib ketishi rejalashtirilgan edi, biroq vaziyat yanada murakkablashdi. 28 yoshli futbolchi haligacha jarohatini davolagani yo‘q, uning safga qaytish sanasi noma’lumligicha qolmoqda.

20 oktyabr kuni "Barselona" La Liganing o‘ninchi turi doirasida "Sevilya"ni qabul qiladi. Hozirda Xans-Diter Flik jamoasi Ispaniya chempionati turnir jadvalida 24 ochko bilan peshqadamlik qilmoqda.