"ПСЖ"нинг испаниялик мураббийи Луис Энрике Усмон Дембеле билан жанжаллашди, шундан сўнг жамоанинг ўйини дарҳол сифатсиз бўлиб қолди, бу эса "ПСЖ"нинг натижаларига таъсир қилди.
Франциялик собиқ футболчи Кристоф Дюгарри испаниялик мутахассиснинг ҳаракатларидан норози, унинг фикрича, у жамоанинг кийиниш хонаси устидан назоратни йўқотмоқда.
"Ўйлайманки, бу қарор жуда қийин, бундай футболчини бундай муҳим ўйинларда жамоадан ташқарида қолдириб бўлмайди. Бу эса жамоани беқарорлаштириб юборди. Луис Энрике ҳар қандай ҳолатда ҳам вазиятни назорат қилишини кўрсатмоқчи эди. У футболчи бўлганида ҳам ўзини шундай тутган", - дейди 90-йиллар охирида "Барселона"да Луис Энрике билан бир муддат ўйнашга муваффақ бўлган Дюгарри.
