Туриннинг «Ювентус» клуби собиқ бош мураббийи Марчелло Липпи «Манчестер Юнайтед» бош мураббийи Алекс Фергюсон билан яқин алоқалари борасида гапириб ўтди.
«Фергюсон менга буюк «Манчестер Юнайтед»ини менинг «Ювентус»имдан андоза олган ҳолда тузганини кўп бора айтарди».
«Мен инглизча гапира олмасдим. Шунинг учун доим таржимонга эҳтиёжимиз бўлган. Кейин вазиятни аниқлаштириб олгач, иккаламиз ҳам французчада гаплашардик. Фергюсон билан алоқаларимиз жуа яхши бўлган».
«Биз спиртли ичимликлар алмашгандик. У менга виски совға қилганди. Мен эса унга вино совға қилгандим. Вино унга жуда манзур бўлганди. Биз жуда кўп нарсаларни муҳокама қилардик. Ҳаттоки умуман кутилмаган мавзуларда ҳам гап очиларди. Бундай ақлли ва маданиятли одам билан ҳар қандай ишга улгуриш, вақт топиш мумкин эди», дея Липпининг сўзларидан иқтибос келтирмоқда «Goal.com» интернет нашри.