Мадриднинг “Реал” клуби ҳимоячиси Давид Алаба деярли бир йилдан буён тиззасидан олган оғир жароҳатидан фориғ бўлмоқда. Австриялик футболчининг тикланиш вақти доимий равишда ўзгариб туради.
Onda Cero нашрига кўра, Алаба футболга қайта олмайди деган хавотир бор. Австриялик тиззасидаги жароҳат туфайли фаолиятини тугатишга мажбур бўлиши мумкин.
Машғулотлардан сўнг Давиднинг суяклари бир-бирига ишқаланиши натижасида қаттиқ оғриқ пайдо бўлмоқда.
Ҳимоячи “Реал” сафида 102 та расмий ўйин ўтказиб, 5 та гол урган ва жамоадошларига 9 та голли узатма берган.
