"Барселона" ва Хавининг хайрлашиши чиройли чиқмади. Кўринишидан, мураббий ва клуб президенти Жоан Лапорта ўртасидаги муносабатлар ҳамон таранглигича қолмоқда.
Barca Universal журналист Жоан Фонтесга таяниб хабар беришича, "блауграна" ҳатто Хави ва унинг ходимларига ҳам талаб қўйган. Клуб мутахассислардан Apple қурилмалари - iPad ва iPhone'ларни қайтаришни истайди. "Барселона" ушбу қурилмаларни мураббийларга иш учун берган. Хави кетганидан кейин жиҳозлар қайтарилмаган.
Ҳозирда "Барселона"га Ханс-Дитер Флик бош мураббийлик қилмоқда. Жамоа Ла Лига турнир жадвалида биринчи ўринни эгаллаб турибди.
