"Barselona" va Xavining xayrlashishi chiroyli chiqmadi. Ko‘rinishidan, murabbiy va klub prezidenti Joan Laporta o‘rtasidagi munosabatlar hamon tarangligicha qolmoqda.
Barca Universal jurnalist Joan Fontesga tayanib xabar berishicha, "blaugrana" hatto Xavi va uning xodimlariga ham talab qo‘ygan. Klub mutaxassislardan Apple qurilmalari - iPad va iPhone'larni qaytarishni istaydi. "Barselona" ushbu qurilmalarni murabbiylarga ish uchun bergan. Xavi ketganidan keyin jihozlar qaytarilmagan.
Hozirda "Barselona"ga Xans-Diter Flik bosh murabbiylik qilmoqda. Jamoa La Liga turnir jadvalida birinchi o‘rinni egallab turibdi.
