"Милан"нинг собиқ ҳужумчиси Жорж Веа "россонери"га бўлган муҳаббати ҳақида гапирди ва Туриннинг "Ювентус" клубига мухлислик қилишини ҳам айтиб ўтди.
"Милан" ҳар доим менинг уйим бўлиб қолади. Биринчи кунданоқ бу ерда ўзимни уйдагидек ҳис қилдим. Силвио Берлускони, Адриано Галлиани, жамоадошларим ва мухлисларнинг севгиси, бугунги кунда ҳам ақл бовар қилмайдиган даражада. Ўйлаб кўринг, мен "Ювентус"га мухлислик қилганман, лекин бир марта пеналтини амалга оширолмаган бўлсам ҳам, доим уларга гол урганман", - дейди Веа.
Профессионал фаолияти давомида Веа “Монако”, “Пари Сен-Жермен”, “Милан”, “Челси”, “Манчестер Сити”, “Марсел” каби клубларда ўйнаган. 1995 йилда у "Олтин тўп"ни қўлга киритган тарихдаги биринчи африкалик футболчига айланди. 2017 йил декабрь ойида у Либериянинг 25-президенти бўлди.
