Россиялик боксчи Артур Бетербиев Дмитрий Бивол устидан қозонган ғалабасидан сўнг ижтимоий тармоқда пост қолдирди.
"Риёд, меҳмондўстлик учун раҳмат! Жанг вақтидаги муҳит, тайёргарлик учун шароитлар - барчаси юқори даражада бўлди. Алоҳида миннатдорчилигимни Кўнгилочар ишлар бўйича бошқарма раҳбари Турки ал аш-Шайҳ жаноби олийларига билдирмоқчиман.
Дмитрий, яхши жанг учун раҳмат. Мен учун қизиқ бўлди. Умид қиламанки, яқин орада Саудия Арабистонига қайтаман", - деб ёзди Бетербиев ижтимоий тармоқдаги саҳифасида.
