Риккардо Калафьори Италия терма жамоаси Евро-2024 дан кейин кучайган, деб ҳисоблайди.
"Скуадра Адзурра" жамоаси ҳимоячиси Исроил билан Миллатлар лигаси (4:1) ўйинидан сўнг ўз фикрларини билдириб ўтди.
"Бизда Евро-2024 билан солиштирганда бутунлай бошқача жамоа бор. Буни ўйинларда устунлик қилаётганимизда ҳам кўриш мумкин. Худди шу руҳда давом этишимиз керак.
Замонавий футболда ҳимоячилар ҳужумларда фаол иштирок этишлари керак, мен ҳимояни ҳам унутмасдан шундай қилишга ҳаракат қиламан. Мен жамоага ҳужумда кўпроқ имконият беришни яхши кўраман", - деди Калафьори.
