"Андижон" кубок финалида ғалаба қозонган футболчилари 150 миллион сўмдан мукофот пуллари олгани айтилмоқда. Бу ҳақда ижтимоий тармоқларда хабар тарқалди.
"Автомашина берилгани йўқ, аммо автомашина харидига бемалол етадиган пул мукофоти берилди" - деди "Андижон" клуби бош директори.
Финал учун футболчиларга ваъда қилинган пул мукофотининг бир қисмини клуб ҳомийси "ЎзАвтоСаноат" тўлиқ берган. Ўйинчилар тахминан 150 миллион сўмдан мукофотлангани ҳақидаги тахмин клуб директори томонидан рад этилмади.
Эслатиб ўтамиз "Андижон" финалда "Навбахор"ни 3-2 хисобида енгиб, ўз тарихида илк бор Ўзбекистон кубогини қўлга киритди.
