Вингер Ламин Ямалнинг "Барселона" билан амалдаги шартномаси 2026 йилнинг ўрталарига қадар мўлжалланган. Келишув тугашига бир ярим йилдан сал кўпроқ вақт қолди, аммо Каталония клуби бутунлай хотиржам.
Гап шундаки, "кўк-анорранглилар" аллақачон Ямал билан оғзаки келишувга эга. Келаси ёз футболчи вояга етганида, унинг шартномаси 2029/2030 йилги мавсум охиригача узайтирилади. Бу ҳақда Mundo Deportivo ўз саҳифаларида хабар бермоқда.
Қайд этилишича, янги шартнома имзоланганидан сўнг Ямал иш ҳақини жиддий оширади. Умуман олганда, Ламин Ямал "Барселона"нинг асосий жамоасида 62 та ўйин ўтказди ва бу ўйинларда у 12 та гол урди ва шерикларига 14 та голли узатма берди.
