"Ман Сити" фойдасига суд қарори бўйича Премьер-лига йиғилиши қолдирилди.
7 октябрь куни “шаҳарликлар”нинг ҳомийлар билан ишлаш қоидалари бўйича Премьер-лигага қарши даъвосини суд қаноатлантирганди.
Суд шерик томонлар битимлари бўйича қоидаларни ноқонуний деб топди ва лиганинг устун мавқеи суиистеъмол қилинаётганини аниқлади.
«Сити» фойдасига қарор қабул қилинганидан кейин лига клублари шошилинч йиғилиш ўтказиши хабар қилинганди.
Тhe Times нашрининг ёзишича, дастлаб шу пайшанбага белгиланган учрашув қолдирилди.
Қайд этилишича, лига муаммонинг тез ҳал этилишига умид қилган, бироқ ҳозирда клубларга бундай бўлмаслиги ҳақида маълумот берилган.
