Англия терма жамоаси бош мураббийи лавозимига "Манчестер Сити" бош мураббийи Пеп Гвардиола устувор номзод эди.
Испаниялик мутахассис келажаги ноаниқлигича қолмоқда: мураббийнинг ўзи ҳам тан олганидек, у "шаҳарликлар" билан келаси ёзда тугайдиган шартномасини узайтириш ёки узайтирмаслик борасида ҳали бир қарорга келмаган.
Журналист Девид Орнштейннинг айтишича, FA Томас Тухель билан келишувга эришишдан олдин Гвардиолани биринчи танлов деб ҳисоблаган.
Немиснинг тайинланиши бугун расман эълон қилиниши кутилмоқда, аммо FA раҳбарлари келажакда яна Гвардиола вариантига қайтишлари мумкин.
