37 ёшли ҳужумчи, «Интер Майами» ва Аргентина терма жамоаси сардори Лионель Месси терма жамоадаги келажаги ҳақида фикр билдирди.
«Мен терма жамоа учун ҳеч қандай муддат белгиламайман. Мен шунчаки завқланишни ва одамларнинг севгисини ҳис қилишни хоҳлайман, чунки бу менинг сўнгги учрашувларим бўлиши мумкинлигини биламан. Йилни яхши якунлаб, босқичма-босқич боришни истайман», - дея Мессининг сўзларини келтирмоқда "Marca".
Эслатиб ўтамиз, ЖЧ-2026 саралашининг 10-тури - Жанубий Америка Боливия терма жамоаси билан ўйинда Лионель Месси хет-трик қайд этиб, иккита голли узатмани амалга оширди.
