"Манчестер Юнайтед" бош мураббийи Эрик тен Хаг ишини йўқотиш хавфи борлигини билади.

54 ёшли мураббий ой бошида истеъфога чиқарилиши мумкин эди, бироқ "Порту" (3:3) ва "Астон Вилла" (0:0) билан ўйинларда дуранг қайд этиш унинг ишини сақлаб қолиш учун етарли бўлди.

Бироқ, журналист Девид Макдоннелнинг хабар беришича, нидерландиялик мутахассис агар "қизил иблислар" бўлажак учрашувларда ишончли натижа кўрсата олмаса, навбатдаги халқаро танаффусгача истеъфога чиқарилиши мумкинлигидан хабардор.

19 октябрь куни "Манчестер Юнайтед" АПЛ доирасида ўз майдонида "Брентфорд"га қарши баҳс олиб боради.