"Милан" ярим ҳимоячиси Рубен Лофтус-Чик жамоанинг ўйини ҳақида ўз фикрлари билан ўртоқлашди.
А Сериянинг 7 туридан сўнг миланликлар 11 очко билан турнир жадвалида олтинчи ўринда бормоқда.
"Мен ҳар бир учрашувда ғалаба қозонишни истайдиган одамларданман. Баъзида бунинг иложи бўлмайди, шунинг учун биз учун энг муҳими, бирдамликни сақлаш ва тўғри машқ қилишдир. Натижаларимиз яхшиланишига ишонаман. Машғулотлардаги ишимизни инобатга олган ҳолда шуни айтишим мумкинки, биз ўзимизни яхшилашимиз керак", - деди инглиз футболчиси Sport Mediaset нашрига берган интервьюсида.
