"Ювентус" ярим ҳимоячиси Поль Погба клубда янги имкониятга эга бўлишига умид қилмоқда.
Хабарингиз бор, "кекса сеньора" раҳбарияти франциялик футболчининг дисквалификация муддати тўрт йилдан бир ярим йилга қисқартирилганига қарамай, у билан хайрлашишга қарор қилган. 31 ёшли футболчининг ўзи жазо муддати тугагач, март ойида яна "бьянконерилар" сафида ўйнашни истамоқда.
"Мен Тиаго Мотта билан ҳали гаплашмадим ва бунга ҳожат ҳам йўқ. Мураббийнинг ўзи кўрганига қараб хулоса чиқаради.
"Ювентус"да яна ўйнаш учун пулдан воз кечишга тайёрман. Мен қайтишни хоҳлайман", - деди ўтган йилнинг сентябрь ойидан бери ўйнамаган Погба.
