Карл-Хайнц Румменигге "Бавария"нинг собиқ бош мураббийи Ханс-Дитер Флик ҳақида ўз фикрини айтди.
Немис мураббийи айни дамда "Барселона"да ишламоқда ва у билан мавсум бошида ажойиб натижаларга эришди.
23 октябрь куни каталонияликлар Чемпионлар лигаси доирасида "Бавария" билан ўйнайди. Мюнхен гигантининг директорлар кенгашида ўрин олган Румменигге Флик ҳақида қуйидагиларни билдириб ўтди:
"Ханси - ажойиб мураббий. Агар у яхши бўлмаганида "Бавария"да бир ярим йил ичида еттита соврин ютмаган бўларди.
Афсуски, у Германия футбол ассоциациясининг қурбонига айланди. Унга ўзига одамлар керак эди. Лекин "Бавария"да Фликка ишонишмади.
У "Бавария"ни тарк этганида жуда хафа бўлдим. Флик энди "Барселона"да муваффақият қозонмоқда.
У қийин шароитда яхши иш қилади. Мен у учун хурсандман", - дея Руммениггенинг сўзларини келтиради Bayern & Germany.
