Рио Фердинанд "Манчестер Юнайтед"нинг Алекс Фергюсонга нисбатан ҳаракатлари ҳақида гапирди.
Аввалроқ, «Манчестер Юнайтед» харажатларни камайтириш мақсадида 82 ёшли Фергюсонга клуб элчиси сифатидаги иши учун маош тўлашни тўхтатиши маълум бўлганди.
Собиқ мураббий бу лавозимда йилига 2 миллион фунт ишлаб олган. Бундан ташқари, шотландиялик мутахассис энди “Олд Траффорд”даги ўйинлардан кейин жамоанинг кийиниш хонасига кира олмайди.
"Агар Сэр Алексни дисквалификация қилиш мумкин бўлса, «Манчестер Юнайтед»да энди кафолатланган одам қолмади - энди бу ҳар кимнинг бошига тушиши мумкин.
Ineos клубдаги ҳаммага жиддий сигнал юборяпти" – деб ёзди “Манчестер Юнайтед”нинг собиқ ҳимоячиси Х ижтимоий тармоғида.
