Ла Лигадаги «эл-класико» учун энг арзон чипта 130 евро туради.
Ла Лиганинг 11-туридан ўрин олган «Реал» - «Барселона» учрашуви 26 октябрь куни «Сантьяго Бернабеу»да бўлиб ўтади.
«Реал Мадрид» ўзининг расмий сайтида ўйин учун чипталар қачон сотувга чиқарилиши ҳақидаги маълумотларни жойлаштирди. Дастлаб, 21 октябрь куни клубнинг премиум тоифадаги мухлислари чипталарни харид қилишлари мумкин бўлса, 22 октябрда қолган чипталар кенг жамоатчиликка тақдим этилади.
Оддий трибуналардаги ўриндиқлар нархи энг арзон чипта учун 130 евродан энг қиммати учун 455 еврогача. VIP зоналар учун чипталар нархи 850 еврони ташкил қилади.
Эслатиб ўтамиз, «Реал»нинг 22 октябрь куни «Сантьяго Бернабеу»да бўлиб ўтадиган Чемпионлар лигаси доирасидаги «Боруссия»га қарши ўйинига чипталар анча арзон. Энг арзон чипта 75 евро, VIP чипталар эса 350 евродан бошланади.
