"Арсенал" ҳимоячиси Александр Зинченко 23 октябрь куни "Believe" номли автобиографиясини тақдим этади.
Унда у ҳаваскор футболдан дунё чўққиларигача бўлган саёҳати ҳақида гапириб беради. Шунингдек, Зинченко китобида Пеп Гвардиола, Микель Артетанинг иш услублари ва элита футболининг ҳийла-найранглари ҳақида ноёб маълумотларни тақдим этиши кутилмоқда.
Бундан ташқари, китоб Зинченконинг Украинани майдонда ва ундан ташқарида қўллаб-қувватлаш истаклари ҳақида ҳам сўз очади.
"Арсенал" мухлислари ижтимоий тармоқларда Александрнинг кўп жароҳат олишининг асл сабаби маълум бўлди - у шунчаки китоб устида ишлагани ҳақида ҳазиллашмоқда.
