Килиан Мбаппе "Реал Мадрид"да сентябрь ойида жамоанинг энг яхши футболчиси сифатида мукофот олди.
Ўтган ойда Ла Лига ва Чемпионлар лигасининг бешта ўйинида Мбаппе олтита гол уришга муваффақ бўлди.
Мукофотни қўлга киритгач, форвард ўз фикрларини билдирди.
"Мен жуда хурсандман ва "Реал Мадрид" мухлисларидан миннатдорман. Ойнинг энг яхши футболчиси деб топилганимдан хурсандман.
Энг муҳими, ўйинларда ғалаба қозонишда давом этиш. Олдинда учта муҳим ўйин бор ва биз ғалаба қозонишни истаймиз.
Биз тайёрмиз ва умид қиламанки, барча “Реал” мухлислари учун яхшилик қиламиз", деди Мбаппе “Реал Мадрид” сайтида.
