Дарвозабон Тибо Куртуа яқинда «Атлетико»га қарши кечган дербида жароҳат олганди. "Ok Diario" хабарига кўра, 32 ёшли бельгиялик ҳали тўлиқ тиклангани йўқ. Ҳали вақт бор, лекин мураббийлар у билан таваккал қилиб «Сельта»га қарши ўйинда Куртуани майдонга туширмайди. Бундай вазиятда Андрей Лунин «Реал» асосий таркибига киритилади. Шу билан бирга, Куртуа ўзини яхши ҳис қилмоқда, «Лос-Бланкос» лагери эса унинг тўлиқ тикланишига ва Вигода ўйнашига умид қилмоқда.
Ҳозирда «Реал» Испания чемпионати турнир жадвалида иккинчи ўринда бормоқда. Карло Анчелотти жамоаси «Барселона»дан 3 очко ортда қолмоқда.
