"Манчестер Сити" тез орада спорт директорини ўзгартиради. Мавсум якунида кетадиган Чики Бегиристайн ўрнини Лиссабоннинг "Спортинг" клубида ишлайдиган Уго Виана эгаллаши кутилмоқда.
Mail Sport нашрининг Португалиядаги манбаларига таяниб хабар беришича, агар португалиялик функционер "шаҳарликлар" спорт директори лавозимини эгалласа, "Спортинг"нинг амалдаги бош мураббийи Рубен Аморим ҳам худди шундай йўлдан бориши аниқ. Тахминларга кўра, 39 ёшли ҳамюртини жамоа бош мураббийи лавозимига тайинлаш Виананинг асосий талабларидан бири бўлади.
"Манчестер Сити"нинг амалдаги бош мураббийи Пеп Гвардиоланинг шартномаси 2025 йилнинг ёзида якунига етади.
