Бош мураббий Сержиу Консейсау ўғли Франсишкуга фаолиятини Италияда давом эттиришни тавсия қилди.
Ўтган ёзда португалиялик вингер ижара асосида "Порту"дан "Ювентус"га ўтганди. Кенг тарқалган хабарларга кўра, "кекса синьора" футболчини сотиб олишни режалаштирмоқда.
"У мендан маслаҳат сўраганида, мен А Серияни тавсия қилдим, чунки бу дунёнинг энг йирик клубларидан бири "Ювентус"га ўтиш ҳақида эди.
Франсишку Италия чемпионатида ўз фазилатларини кўрсата олишини билардим. У кучли жамоадошлари ва ажойиб мураббий билан ўйнайди", - деди "Порту"нинг собиқ бош мураббийи Сержиу Консейсау.
