"Фенербахче" яқин орада Ансу Фати вариантига қайтади.
AS хабарига кўра, турк клуби қишда ўз таркибини кучайтириш устида фаол иш олиб боришни режалаштирган. Бош мураббий Жозе Моуриньо жамоада "Барселона" вингеридан ташқари "Тоттенхэм" ҳимоячиси Серхио Регилонни кўрмоқчи.
Ёзда "Фенербахче" Фатини ижарага олиш имкониятига қизиқиш билдирганди. Истанбул клуби спорт директори Марио Бранко яқин ҳафталарда худди шу мақсадда Ансу вакиллари билан боғланиши кутилмоқда.
Айни пайтда Туркия жамоаси ярим ҳимоячиси Исмоил Юксекка "Атлетико", "Бенфика" ва "Марсель" клублари қизиқиш билдирмоқда. Мадридликлар ёзда футболчи учун 3 миллион евро таклиф қилган бўлса, "Фенербахче" 10 миллион сўради.
